2011
02262310台語囡仔歌烏白抐----英語英語足趣味
英語英語誠趣味 ing-gí, ing-gí tsiânn tshù-bī.
開喙合喙挨米詩(ABC) khui-tshuì ha̍p-tshuì e bí si.
蜂講米(bee)，啊海講死(sea) phang kóng bí, a hái kóng sí.
我愛(I)你友(you)伊是喜(he) guá ài, lí iú, i sī hí.
英語英語有趣味 ing-gí, ing-gí ū tshù-bī.
gau5早講牛無奶(c.f.乳)(Good morning) gâu tsá kóng gû bô ling.
歹勢講後門鎖咧(c.f.咧)(I’m sorry) pháinn-sè kóng āu mn̂g só--leh.
阮胃(we)恁油(you)in是犁(they) guán uī, lín iû, in sī lê.
英語英語足趣味 ing-gí, ing-gí tsiok tshù-bī.
牛講狗(cow) gû kóng káu.
狗講鹿(dog) káu kóng lo̍k.
鹿仔講豬仔(deer) lo̍k-á kóng ti-á.
英語英語蓋趣味 ing-gí, ing-gí kài tshù-bī.
遮(c.f.遮)講魚仔(here) tsia kóng hî-á.
遐(c.f.遐)講螺仔(there) hia kóng lê-á
頭毛講蝦仔(hair) thâu-moo kóng hê-á.
英語英語誠趣味 ing-gí, ing-gí tsiânn tshù-bī.
熊講馬仔(bear) hîm kóng bé-á.
馬母講咩仔(mare) bé-bó kóng meh-á.
放假就講哈綠茶(holiday)。 pàng-ká tō kóng ha li̍k-tê.
英語英語有趣味 ing-gí, ing-gí ū tshù-bī.
白賊講來(lie)，來講坎(c.f.崁)(come) pe̍h-tsha̍t kóng lâi, lâi kóng khám.
鎖匙講去(key)，去講鵝(go) só-sî kóng khì, khì kóng gô.
鋤頭(c.f.豬頭)講虎(hoe)，虎癩ko(tiger) tî-thâu kóng hóo, hóo thái-ko.
英語英語足趣味 ing-gí, ing-gí tsiok tshù-bī.
看著蘋果叫阿婆(apple) khuànn--tio̍h phōng-kó kiò a-pô.
王梨講是歹阿婆(pineapple) ông-lâi kóng sī pháinn a-pô.
鉛筆共伊叫便所(pencil) iân-pit kā--i kiò piān-sóo.
英語英語蓋趣味 ing-gí, ing-gí kài tshù-bī.
舌是蟲(tongue)，啊肺是人(lung) tsi̍h sī thâng, a hì sī lâng.
長講挵(c.f.撞&搪)(long)，啊歌講爽(song) tn̂g kóng lòng, a kua kóng sóng.
聖歌變做予(c.f.乎)你爽(Holy song)。sìng-kua piàn-tsò hoō lí sóng.
美國人講阿媽你睏(American) Bí-kok-lâng kóng a-má lí khùn.
看著球直直共叫某(ball) Khuànn-tio̍h kiû ti̍t-ti̍t ka kiò bóo.
真心適!
我敢會使共提來做國中的教材?