欺騙咱的目睭----咱會看見著無存在的彩色相片

 2010

11202142欺騙咱的目睭----咱會看見著無存在的彩色相片

127額外抾拾、無抾可惜

明明是烏白的圖，咱會看著彩色的圖。

若無說明，咱根本就毋知影下面35秒的影片咧變啥物蠓。這是用視覺殘留製作出來的効果。

頭一張看起來是敢若底片，第二張是烏白的。

底片的中央有一點，伊愛咱看彼張底片24秒的時間，目的欲製作視覺疲勞。佇25秒的時會換第二張烏白的圖。這時陣，殘像貼起去烏白的圖，咱會看著一張完全彩色的相片。毋知咱敢有看著彼張彩色的相片？若無看著，遵照指示，看中央的烏點，閣看一遍。

咱若是毋知影伊是咧耍這个齣頭，看完嘛毋知影咱的目睭去予伊騙去矣。因為咱會叫是有一張彩色的相片佇遐。

毋相信，你會使共畫面停佇25秒遐確定一下，注意停起來的畫面，閣看一遍，彼張圖明明是烏白的，根本就毋是彩色的圖。

(轉去主目錄)

回應

2010-11-22 08:56:02AA email給AA 前往AA的日誌

這張阮看攏毋

於2010-11-22 17:28:19回覆

To AA

你想看覓咧, 專心看中央的烏點24秒了後, 第25秒是毋是有看著一張彩色的相片, 天頂是藍甲足媠的. 若有看著藍色的天頂就表示你有看著彩色的相片, 因為你無想欲予目睭騙去, 所以你看著的時間會變足短的, 若是攏無生理準備, 看著的是彩色的相片一直咧褪色.

2010-11-21 02:00:50羚蘭 email給羚蘭 前往羚蘭的日誌

我看了四遍..沒有看到呢..

於2010-11-21 09:23:23回覆

To 羚蘭

因為你心內足清楚第二張圖是烏白的, 無想欲予伊騙去, 所以, 你看會著的時間自然就會變足短的, 就佇第25秒無夠半秒的時間你才看會著, 你若攏總毋知影, 甚至會看著5秒的時間, 像我第一遍完全攏毋知的時, 根本就無注意著第二張是烏白的, 等我知影這个影片是咧看這款的齣頭, 我就變成賰天頂是藍色的佮殕色的咧替換.

2010-11-20 23:17:43minda email給minda 前往minda的日誌

有看著    多謝分享   祝福假日愉快

於2010-11-20 23:26:47回覆

To minda

是啊!!真正看會著:)