2010
05022031水鬼變城隍(台語故事演講稿)
各(-k)位裁判、各(-k)位同學，逐(-k)家好(上台行禮)。我(g-)是編號第五(g-)號。
我(g-)今仔日(ji̍t)欲講的故事是水鬼變城隍、水鬼變城隍。
古早，咱嘉義(g-)這个所在，有一个好額(g-)人去予兩个扛轎的捙落去大水溝內底，煞變成水鬼。
水鬼的生活(ua̍h)是足(tsiok)痛苦的，冬天的水是冷吱吱，水鬼會寒甲袂振袂動。落雨天的水，落佇水鬼的身軀，就親像幾若(nā)萬枝的針(-m)咧(t-)鑿(tsha̍k)仝款。
這个好額(g-)人變成水鬼了後，到尾仔，佮一个掠魚的 的孝子結拜做兄弟，感(-m)情就若(ná)像親兄弟仔仝款。伊逐(-k)遍攏共掠魚仔的 鬥相共趕魚仔去網仔底。予掠魚仔的 的生活變甲足好過的。
就(tō)按呢，日(j-t)子一工過一工，誠緊就過幾若(nā)冬。到甲有一工，水鬼雄雄共掠魚仔的講：「我(g-)明(bîn)仔載欲去投胎。」掠魚仔的了後知影，水鬼投胎愛掠交替。
這遍是一个賣菜的阿姆，伊已經潦落去水底，水 深(-m)到伊的腰去矣。掠魚仔的覕(bih)佇菅芒(kuann-bâng)花後壁，看甲擋袂牢(tiâu)就去共伊救轉來。賣菜的阿姆了後講：「拄才明明有一个查某囡(g-)仔擛(ia̍t)手講欲共我(g-)買菜。我(g-)哪(ná)會行去水底去？」水鬼失去一遍掠交替的機會足受氣的，毋過(koh)，嘛無法度矣。干焦(kan-nā)會當閣等機會矣。
又閣過幾若(nā)冬，水鬼講：「機會來矣，這遍是一對拄結婚的翁仔某。」伊叫掠魚仔的莫(mài)閣害伊失去投胎的機會。
第二工，掠魚仔的覕佇水邊，真正看著一對翁仔某行來。雄雄起一陣(tsūn)風飛沙，共in捾(kuānn)的謝籃用垃圾(lah-sap)去。新郎就欲去共謝籃洗清氣。想袂到踏無好勢煞落(lak)落去水底。掠魚仔的一(-t)看著，就趕緊去共伊救起來。
掠魚仔的知影水鬼一定會足受氣，早就攢(tshuân)一桌酒菜攢便便欲共伊賠罪。賠罪了後，水鬼講：「無要緊，是我(g-)的機會猶未(iáu-buē)到。」
時間又閣過幾若冬矣。這遍水鬼閣欲共掠魚仔的講明仔載掠交替的代誌。掠魚仔的講：「你莫閣共我(g-)講矣。我(g-)驚我(g-)會擋袂牢閣去破害你的機會。」
這遍，掠魚仔的就無閣去大水溝矣。一直擋到暗(-m)時，想講：「這遍水鬼一定順利去投胎矣。」這時陣，水鬼來揣(tshuē)掠魚仔的，掠魚仔驚一趒。水鬼講：「啥叫彼个囡(g-)仔遐爾仔(hiah-nī-á)古錐，害我毋甘共伊害予死。」
了後，土地公共水鬼十幾冬來無害死一个人報告予閻羅王，閻羅王閣報告玉皇上帝。玉皇上帝就共伊封做城隍爺。
我今仔日的故事講到遮，多謝各位。(落台行禮)(727字)
這是一個足專業e blog,我m是母語e教師,但是我三不五時會gia起5百外斤重的筆,寫一寡mo sia像文章e文章,自我欣賞,有當時搁會佩服家己,那會tsia-gau.目前無法度辨識是第幾音e問題....