04032224台語ｅ連音變調圖

台語ｅ連音變調圖

台語ｅ聲調上大ｅ特色，除了一般時常講ｅ普通連音變調以外，另外猶有真特殊ｅ變調是無完整ｅ資料通查，尤其是變調規則並無看人論起，本圖是佇1993年6月，自台北轉來嘉義，坐國光號時，佇車頂用英文畫成ｅ，一直到現在才翻譯為中文稿。

變調說明

1. 普通連音變調就是一般正常變調，若有二字以上ｅ詞，只有上尾一字保持原調，其他ｅ字全部變調。如：三十、九十、四十、八十、姨丈、二十、十五。

2. "-仔"前就是講一個詞有「仔」字結尾ｅ尾，「仔」頭前ｅ字就會變調，伊ｅ變調方式並非普通連音變調，伊有伊ｅ規則。如：雞仔、鳥仔、兔仔、鴨仔、鵝仔、柚仔、鹿仔......。

3. 三連音是講連續相仝三字做伙ｅ詞，伊ｅ第二字是普通變調，第一字就是特殊變調，如：青青青、紅紅紅、碇碇碇、白白白......。聲調成份有[-降]時抵好和 "-仔"前變調有仝款ｅ規則。其他的維持一般變調。

4. 強調變調是三連音ｅ頭前字和上尾字而已。

5. 台語猶有一個聲調叫做輕聲，數字用0表示。就是一個動作加上一個形容動作狀態ｅ語詞，動作保持原調，後面一律變成輕聲，輕聲ｅ聲調和第三調真像。如：驚死、走出去、做人、踢著、行過、鼻著、踏著……等等。

1996.05.13

1998.05.30增修

2005.04.30校正說明