【番薯簽糜】(社區之歌)----- 詞_蕭文宗 曲_蔡玉真 編曲_方文良

 2011

08111505【番薯簽糜】(社區之歌)----- 詞_蕭文宗 曲_蔡玉真 編曲_方文良

252嘉義市母語文化教育學會

超閃中文閃字機

天色未光爸母出城門 thinn-sik buē kng, bē-bú tshut siânn-mn̂g
月娘照置厝後蕃薯園 gue̍h-niû tsiò tī tshù-āu han-tsî-hn̂g
灶跤番薯簽糜燒燙燙 tsàu-kha han-tsî-tshiam-muê sio-tǹg-tǹg
粒粒白米攏是爸母心 lia̍p-lia̍p be̍h-bí lóng-sī pē-bú-sim

番薯心  爸母情 han-tsî-sim, pē-bú-tsîng
勤儉拍拚為前程 khîn-khiam phah-piànn uī tsiân-tîng
番薯簽  古早味 han-tsî-tshiam, kóo-tsá-bī
永遠照顧咱家庭 íng-uán  tsiàu-kòo lán ka-tîng

春天播田霧厚露水冷 tshun-thinn pò-tshân bū kāu lōo-tsuí líng
熱天風颱阻礙無心情 jua̍h-thinn hong-thai tsóo-gāi bô sim-tsîng
向望秋季豐收好風景 ǹg-bāng tshiu-kuì hong-siu hó hong-kíng
毋驚冬天北風迵胸前 m̄-kiann tang-thinn pak-hong thàng hing-tsîng

番薯心  爸母情 han-tsî-sim pē-bú-tsîng
勤儉拍拚為前程 khîn-khiam phah-piànn uī tsiân-tîng
番薯簽  古早味 han-tsî-tshiam, kóo-tsá-bī
永遠照顧咱家庭 íng-uán  tsiàu-kòo lán ka-tîng

(轉去主目錄)