2011
05211816阿媽的園仔
阿嬤兮園仔
甲 : 囡仔兄
乙 : 囡仔姐
甲乙: 各位評審伸生大家好，（敬禮） 請恁逐家斟酌聽予好。今阿日來到貴寶地，規兮頭殼是玲瓏踅，（晃頭）武林高手真正濟，比一個輸贏和高低，咦！袂講啥麼才好呢？秘密就在阮（伊）阿嬤兮園仔內。
（唱「四季紅」）
甲 : 春花開佮正清香
乙 : 園裡青菜媠噹噹
甲 : 春風吹來人輕鬆
乙 : 逸陶趁這陣
甲 : 啊！春天春天我愛你！
乙 : 唉喲！啥麼我愛你？(在胸前比愛心狀)
甲 :哼！你甘敢講春天毋是逸陶兮好時機！
乙 :嗯！嘛對呢！無剉－規欉好好！
甲 :我看你是大舌擱興啼啦！
乙 : 歹勢啦！啊就白布沐著打馬膠，若講到逸陶，阮阿嬤兮園仔是一個好所在。
甲 :好聽擱袂跳針，按怎講？
乙 :管，一隻長長啦，講。(雙手向外張開)
甲 :汝有影是澳戲敖拖棚，緊講啦！
乙 :這陣阮阿嬤兮園仔，物件生佮攏總是，勿會卡輸黃昏兮垃圾市。
甲 :阿嬤攏種啥麼貨？講予逐家鼻香咧！
乙 :物件真濟算不完，園仔青翠有夠讚。
甲 :園仔青翠？啊不就種草仔？哈！哈！真正是有夠笑虧！
乙 :袂笑虧！袂笑虧！(搖搖手)塗跤規片青見見，誰講青就一定是草啊，我講兮是葉－啊。
甲 : 啥麼？葉－啊？
乙 :講假汝捌，喙鬚就好扑結。
甲 :汝毋講我哪捌？
乙 :汝想看麥呢，咱食也青菜是啥麼色？
甲 :咦！是青色！
乙 :這就對啦！角仔菜、蕹菜、威仔菜，咱敢不是食伊的葉－啊。
甲 :若按爾講，簡單嘛！阮阿母愛食爾蕃薯葉仔嘛是，我上討厭爾湯匙仔菜嘛是共款囉！
乙 :袂嫼唷…，我起一個頭，汝就知煞尾。
甲 :哼！到搭汝才知！
乙 :我看你是大箍呆！
甲 :我擱知影蕃薯是生佇塗跤底也。
乙 :哇！愈來愈敖喔！（拍拍對方肩膀）烏矸仔貯豆油─無地看。
甲 :（神氣狀，清清喉嚨）勿愛看貓仔無點，我是不想要展娘！
乙 :是、是、是，你就是遮尼敖！（比大拇指）
甲 :哈！哈！哈！ 猴！猴住在深山林內！
乙 :阮阿嬤常常用對塗跤底挖起來兮蕃薯和芋仔煮庶饈仔乎阮食吶。
甲 :遮恁好喔！我嘛想欲食。
乙 :拜託咧！我講一個影，汝就生一個子。
甲 :好啦！好啦！除了芋仔和蕃薯藏佇塗跤底，么擱有啥米？
乙 :擱有土豆、菜頭嘛是藏地塗跤底。
甲 :有趣味！汝阿嬤兮園仔真正是逐項有呢！
乙 :嗯！我嘛是安咧想！
甲 :另工有閒，帶我來去遐逸陶？
乙 :這有啥麼問題。
甲 :這聲貿到了，有食擱有掠喔。
乙 :你吃卡嫼咧！
甲 :安怎講？
乙 :阿嬤為著伊兮園仔，是透早起床就沒閒到晝，中晝沒歇，飯扒扒咧就擱出門，祝辛苦呢！
甲 : （點點頭）
乙 :阿不但按爾，就擱薅草兼捉蟲，青菜才會敖大欉。
甲 :嗯！誰知盤中飧，粒粒皆辛苦。（國語）
乙 :阿不過，哪拄到透大風落大雨，阿嬤心肝頭就鬱卒啊。
甲 :啊！（搖頭）菜攏死蹺蹺，嗚呼哀哉！
乙 :毋錯！嚴重兮時連棚仔嘛倒倒去。
甲 :诶？園仔裡敢有棚仔？
乙 :當然嘛有，親像種菜瓜就愛搭棚仔。
甲 :喔！我知，種瓠仔嘛愛。
乙 :對！種苦瓜嘛愛。
甲 :種西瓜嘛愛。
乙 : 愛！愛！愛！阿婆在醃鹹菜！
甲 :敢講毋免？（抓抓頭）
乙 :當然嘛毋免！麥擱佇遮漏氣啊！
（敲木魚）
甲 :阿嬤兮園仔攏是寶
乙 :物件濟款人呵咾
甲 :芋仔番薯密可可
乙 :茄仔豆仔逐項好
甲 :菜瓜金瓜品質good
乙 :食了大家擱要討
甲乙: 食了大家擱-要-討-
甲乙:多謝捧場！勞力！
(轉去主目錄)
沒有留言:
張貼留言