2010
1011160620100907~0910長灘島之旅----作者Bing5 Kui3
20100907
今仔日是一e[个]真重要e日子，因為來到菲律賓了後，毋管欲出去陀[佗]位，毋是有老師陪伴若無著[就]是有施太太，但是即[這]遍欲去Borakay(長灘島)無仝，早起校車載阮去機場了後一切著攏靠家己矣，所以前一暗睏了毋是蓋好，因為攏咧煩惱，阮到底會使經過即呢[遮爾]濟e[的]交通工具了後平安到Borakay無？
馬尼拉機場有分國內(domestic)、kap[佮]國外機場，因為阮即[這]遍只是國內e[的]航線，所以檢查無算講真嚴格，真緊著[就]會使通關，但是真特別e[的]是需要付「機場稅」200 piso，全世界干[敢]若無規[幾]e[个]國家需要付「機場稅」e[的]，轉來e[的]時陣嘛愛付40 piso。
因為真準時2點鐘進前著愛到機場check in行李kap[佮]機票，而且通關e[的]過程中嘛無等傷久，所以佇機場等e[的]時間變作[做]足濟e[的]，冷氣擱[閣]足寒[冷]e[的]，想講等咧佇飛龍[行]機頂著[就]有點心通食，即嘛[這馬]著[就]無需要先買物件來食。總算12：10會當登機(boarding)，想講連鞭著[就]有物件通食，因為佇機場內底有夠寒，連我攏強欲擋袂牢，結果…竟然無！！是需要用買e[的]，可能是因為機票真俗所以無點心，但是阮擱[閣]足寒e[的]，所以後來決定買一碗泡麵(cup noodle) 50 piso，因為身體寒我頭一遍佇機頂買泡麵來食，燒湯盡量灌。佇咧食泡麵e[的]過程，感覺飛龍[行]機若已經咧杳杳[沓沓]仔接近土地矣？機票頂懸寫愛飛點若[外]鐘，結果坐半點鐘著[就]欲準備「降落」？泡麵若[那]食若[那]緊，因為飛龍[行]機已經落到平地矣，啥米[物]？嘛才40分鐘為啥物著[就]到矣？亦[抑]是飛龍[行]機有問題需要緊咧「迫降」，但是嘛毋是矣[啊]，機場名著[就]是Kalibo Airport，所以機票頂懸寫e[的]時間是假e[的]，害阮叫是發生啥物事志[代誌]。阮著緊咧將[共]泡麵食完，綴咧落飛機。想講阮按呢提早到，但是進前fax予住[蹛]e[的]旅社e[的]時間無仝，是欲按怎？結果，佇機場外口遠遠著[就]有看著一咧[个]人提一e[个]扛棒[看板]，頂懸寫Wang Kuei Lan，哈哈，阮看著伊若看著「救星」，因為表示阮會當安全到Borakay矣！
坐起立[去]巴士頂懸，有看著其他e[的]人嘛較放心，沿路一直翕相，沿路看著真無仝e[的]生活環境。佇馬尼拉有Jeep、Side car即[這]種在地人會去坐e[的]車，但是遮e[的] side car煞變了真大台，毋若[但]頭前會使坐兩、三e[个]人，後面擱[閣]坐四、五e[个]人嘛毋[無]問題，車頂懸擱[閣]會使囥行李，會使講是馬尼拉side car e「進化版」。遮[這]也是順應在地環境所作[做]e[的]改變。
擱[閣]有看著予阮真特別e[的]「干欄式建築」，佇遮「干欄式建築」毋是一間而已，是遮e[的]生活特色有規遍e[的]人攏住[蹛]佇「干欄式建築」內底！遮[這]予我真大e[的]衝擊，因為以前干若[焦]會佇課本內底看著即[這]種建築，佇印象中遮[這]是足古早甚至是古前時代咧住[蹛]e[的]物件，阮竟然親目睭看著活跳跳e[的]「干欄式建築」佇我e[的]面頭前，in[
坐巴士沿路上看著e[的]是阮無法度想像e[的]生活環境，但是煞有一大陣人即嘛[這馬]仝款按呢咧過生活，後來實在真thiam[忝]，著[就]睏去矣，因為坐巴士需要坐點半鐘，若無著愛坐小飛機到卡地特蘭(Katiclan)也著[就]是直接會使坐船e[的]所在，但是因為是細隻e[的]飛龍[行]機所以機票無好訂，所以只好坐巴士，也因為按呢才會當予阮看著「干欄式建築」。
總算會使落車矣，但是司機tshua[
落船了後著[就]tshun[賰]最後一站矣，坐車7分鐘到欲住[蹛]e[的]所在，總算按呢坐校車→坐飛龍[行]機→坐巴士→坐船→坐車→目的地。為[對]離開學校到Borakay住[蹛]e[的]所在總共需要七點鐘，實在有thiam[忝]，所以到Borakay已經是下晡四點作[ ]左右矣。後來著緊咧將[共]行李摜[捾]去La carmela e[的] sister company →Courtyard room 102囥。為[對]La carmela到Courtyard大概需要行三~五分鐘，遮[這]是阮頭一改看著Borakay e[的] white beach！實在足嫷e[的]，想講拄好會當看著「夕陽」，緊咧將[共]行李囥囥e[咧]，毋甘歇睏著[就]緊咧走出去來[走出來]矣。
行佇White beach e[的]頭一件事志[代誌]毋是去海邊看海，因為為[對]早起食早頓了後，擱[閣]來著[就]是佇飛龍[行]機頂食泡麵，即嘛[這馬]已經大腸告小腸矣，先來去食物件才講。但是下晡四點左右毋是中晝嘛毋是暗頓，攏無啥物件通食，所以看著一間有BBQ e[的]店著[就]入去食矣，看伊e[的]物件著[就]知影食起來e[的]口感無講蓋好，肉嘛毋[無]蓋好食，唯一會使呵咾e[的]著[就]是伊e[的]青菜煮了真好食，按呢竟然著[就]愛120 piso。無法度，先止飫[枵]才講矣！
食飽了後著[就]緊咧行去海邊仔予海浸浸e[咧]，將[共]今仔日規工e[的]疲勞攏趕走，遮e[的]海真特別，無親像台灣是「岩岸」所以無啥物海湧，而且遮e[的]沙有夠幼，行佇咧頂懸袂感覺會刺亦[抑]是會痛，遮e[的]沙是世界有名，遮e[的]沙著[就]是死去e[的]珊瑚、海貝等等e[的]生物，伊慢慢仔才變作[做]是沙，所以遮e[的]沙才會即呢[遮爾]白，連阮已經浸佇咧海水超過腰e[的]矣，擱[閣]會當真清楚看著我e[的]跤指頭仔。
佇沙灘沿路有真濟掠龍e[的]，想講來到異國著[就]來掠龍看覓，一點鐘300 piso all body，應該算是俗e[的]，阮攏是透世人頭一改開錢掠龍e[的]，所以真緊張，但是擱[閣]想欲試看覓，in[
會記得會[欲]來遮進前，阮有看著一的[个]D-Mall的所在是一定愛去的，本來想說[講]若是今仔日傷晏就明仔載即[才]來踅，結果無意中就看著D-Mall的招牌，阮開始斡入去踅，沿路攏有誠濟的店，若[那]踅若[那]揣到底陀[佗]一間是D-Mall。行到一半看著一間有66箍pisoBBQ的店，若[那]即[遮]俗！？一塊BBQ e[的]雞腿kap[佮]一丸飯66 piso，所以無考慮著[就]決定以遮[這]來作暗頓。後來才發現D-Mall是一e[个]統稱e[的]詞，代表即咧[這个]範圍內底e[的]店頭攏算是D-Mall，所以頭一暗先了解地形，欲按怎行了後才慢慢仔來踅著[就]好。
食飽了後著[就]開始踅沙灘頂懸e[的]店頭，看起來每一項攏真趣味，其中看著「皮夾」，為伊e[的]手工著[就]知影遮[這]一定是用手作e[做的]，因為若是用機器作e[做的]，無可能會用即呢[遮爾]粗e[的]線，我袂記哩[得]一開始講欲賣e[的]價數矣，因為我干若[焦]一直問：Do you have discount(折扣)？佇Borakay我所學著e[的]英文攏是為著欲刣價，擱[閣]會當kap[佮]店員刣來刣去、講價、擱[閣]考慮、擱[閣]刣價，只要欲買物件，著是(1) How much？ (2) Have discount？ (3) No, thank you ；(4) Ok！只要有即[這]四句，著[就]會當走遍天下矣啦！所以阮兩e[个]攏買一e[个]真皮e[的]皮包，總共1500 piso，遮[這]應該是單筆上大e[的]價數矣。後來擱[閣]請伊幫我紩中文字起立[去]，因為按呢著[就]是獨一無二e[的]皮包矣，我想欲送予我e[的]小阿姨，伊對我真好，伊是我e[的]阿姨內底唯一有讀過大學e[的]，所以真了解我e[的]想法，嘛真支持我所想欲作e事志[做的代誌]，我感覺我送予伊即咧[這个]皮包，擱[閣]較貴攏有價值。嘛因為對店頭家來講in[
後來擱[閣]繼續踅看著真嫷[媠]用椰子，用手工作e[做的]無仝款e[的]包包，真好看而且擱[的]會當代表Borakay e[的]代表品，所以阮嘛買一寡仔轉來欲送予佇靈惠有ka[共]阮湊相共e[的]人，代表阮e[的]心意。張屏生老師有交代，若是有看著柴頭作e[做的]佚陶物(tshit-tho5 mih8)幫伊買，所以阮著[就]買小吉他與[予]伊kap[佮] in[
20100908
早起起來了後，阮提早頓的票劵行去La Carmela食飯的所在準備食早起，是一份誠簡單的餐點，若是欲食Buffet Breakfast就愛另外多[加]75 piso，雖然毋是愛加足濟錢，毋擱[閣]因為早起無慣習食赫[遐]濟物件，所以決定食原來的早頓就好。食完了後：無食是討債，食了嘛無感覺有趁--著。哀[唉]，果然是免費提供的早起。連欲翕相e[的]氣力攏無。
先問過La Carmela的櫃台敢有Boracay的地圖，in[
一路上有看著一款紅紅一粒一粒的水果[按:咱遮叫紅毛丹]，阮就行過問彼是啥？頭家娘講一句阮聽無的Tagalog，阮問伊按怎賣，伊講一公斤百五[約台票100箍]，無擱[毋閣]阮只是欲試食看覓爾爾[耳耳]，所以就買三粒，頭家娘講5 piso。即[這]種水果的外殼有一支[枝]一支[枝]短短紅紅黑黑[烏烏]的軟刺，無擱[毋閣]刺了袂痛，摸起來的感覺淡薄仔成咱咧踏跤的毯仔。用敢若是剝荔枝的方法共剝開了後，流出足濟汁，內底的肉是白色的，佮荔枝仝色，食起來的味甜甜酸酸，有形[成]荔枝，但是擱[閣]有另外一種的清香[芳]，毋擱[閣]，伊的肉足韌--矣，誠歹咬，大部分的肉攏黏佇籽的頂頭，咬足久嘛是按呢！尾仔，籽只好呸掉。綜合來講，伊的外形是包著地毯的鴨卵形，內底是籽大粒、肉足韌擱[閣]酸酸的荔枝，毋擱[閣]伊有一種清香[芳]味，是較特殊的。
繼續來走tshue[揣]地圖，一間問過一間，嘛共Main road較主要的部分攏行過矣，但是攏tshue[揣]無Boracay的地圖，阮又擱[閣]杳杳[沓沓]仔行轉去，有看到親像是消防署的單位，內底雖然無提供地圖，但是in[
天氣有影是足好矣！有真濟外國人攏躺[䖙]佇咧沙灘頂懸曝日頭，曝kah[甲]規的[个]人紅記記擱[閣]繼續咧曝，看in[
過無若[偌]久，有一的[个]推銷員行過來，共阮介紹[紹介]一寡仔會使佇水面耍的遊樂設施，看是欲藏水沫抑是欲坐大支[枝]的飛行傘，若無，嘛會使坐Bug Car踅Boracay一lin[輾]。毋管是陀[佗]一種攏誠貴。本來想講欲坐Bug Car踅Boracay一lin[輾]，但因為價數貴以外，熊熊[雄雄]想著阮落飛龍[行]機以後，欲來Boracay的路上[裡]就已經有坐一點半鐘的車囉！連干欄式的建築嘛有看著矣，遮環境應該攏差不多，擱[閣]再講，阮嘛已經佇咧沙灘頂懸看赫sui[遐媠]的風景，來Boracay坐點半鐘，轉去機場仝款愛坐點半鐘，總共三點鐘干若[焦]付基本e[的]「接駁費」著[就]看到[甲]愣(gang7)去，若[那]有需要擱[閣]開兩三千去踅呢[咧]？所以，無論推銷員最後按怎講，阮攏決定無欲坐Bug Car踅Boracay。
佇推銷員咧佮[共]阮講坐Bug Car的事志[代誌]時，另外有餐廳的服務生嘛走來問阮講甘[敢]有欲點果汁，阮看看咧，點一杯Mango Shake來啉較袂歹勢，但是佇遮點涼的足貴--矣，一杯就愛百二piso！真無簡單總算無人--矣！但是過無五分鐘，又擱[閣]有人來介紹水上活動的物件，阮攏講：「No,thank you.」，海面上有真濟人咧耍，毋擱[閣]阮對彼攏無感覺趣味，因為阮已經過彼咧[个]年紀矣，驚落去耍，耍耍e[咧]骨頭散了了擱[閣]較麻煩 = = #
尾矣，有人走來推銷柴頭做的物件，是會使掛佇壁頂的，本來開價1000 piso，足貴的！雖然有真濟圖通撿[揀]，毋擱[閣]攏看無蓋合[佮]意。有宗教方面的，比論講是耶穌、瑪利亞等等，嘛有魚仔佮當地特色的圖，伊若[那]講若[那]降價，一直到伊講300箍peso[piso]，後壁嘛有警察來咧看阮咧創啥物，拄著仔嘛會開喙講話，雖然聽無警察咧講啥，但是看伊的表情應該是咧替推銷員講話，嘛有聽著：「Good Price.」，最後，以250piso買一的[个]有Boracay特色的圖，即[這]件買賣予阮一e[个]感想：「一定愛刣價！」阮嘛順紲決定離開the[䖙]椅！雖然坐咧遐歇睏毋免納錢，毋擱[閣]會一直有人來推銷，久矣嘛是會買物件，坐咧頂懸的遊客甘[敢]若變成目標誠顯的人客。海邊仔仝款真嫷[媠]，翕幾若張相片以後，嘛歇睏有夠矣，阮就行去踅店面囉！
即遍阮為[對]station2、3 e[的]方向行過，因為阮拄好住[蹛]佇接近station 2附近，Borakay e[的]地形是長e[的]，所以出門e[的]時著先決定欲去陀[佗]一e[个] station著[就]好。阮杳杳[沓沓]仔看杳杳[沓沓]仔踅，一攤一攤看，雖然每一間看起來所賣e[的]物件攏真仝，但是攏有每一間無仝e[的]特色，所以無形中阮手裡擱[閣]開始摜[捾]足濟物件矣！
昨昏暗時阮一人攏有買一領褲，是會當佇海裡耍水e[的]彼種褲，但是阿桂買e[的]後來感覺無啥好看，所以今仔日下晡著[就]順紲提來換，結果sales擱[閣]繼續介紹[紹介]店裡其他e[的]物件，雄雄看著salon，salon著[就]是一條布但是會使將身軀圍起來當作一領裙來穿e[的]物件，阿桂後來著[就]決定改買即[這]領salon。嘛因為阿桂穿起來感覺真爽快，後來出門e[的]時，不知不覺著[就]總共買了三領salon。
差不多欲黃昏e[的]時，阮著[就]換好衫仔褲準備欲去海裡耍水矣，即[這]工e[的]日頭雖然真大，但是準備欲黃昏e[的]時煞予雲擋牢咧，所以干若[焦]看著一遍[片]黃昏e[的]光，無法度看著真清楚e[的] sun set[sunset]。遮[這]是阮頭一改將[共]規身軀攏浸佇海裡e[的]，海水真清涼會當將[共]今仔日行路行即[遮]久e[的]熱，全部攏幫阮紮走，規身軀浸佇海裡實在足爽快e[的]，而且即e[這个]海真特別，攏無啥海湧，波動毋是講真大，足平順e[的]。遮著與[這就予]阮想起進前e[的]「南亞大海嘯」，彼當時毋是講「海嘯」愈[欲]來進前，海湧雄雄一直退後、退後，逐家彼時陣擱[閣]毋知影發生啥物事志[代誌]，看著海湧退後，海裡原本e[的]魚仔佇沙灘頂懸跳阿[啊]跳，一陣人攏去掠魚仔叫是趁著，但是過無若[偌]久，頭拄仔捲轉去海裡e[的]海湧比進前大幾若[偌]倍e[的]速度、海湧攏佇咧一時間衝起來土地，才會淹死即呢[遮爾]濟人。阮佇大海咧講即[這]件事志[代誌]，雄雄身體攏冷起來矣，因為即嘛[這馬]若真正發生即[這]件事志[代誌]，佇Borakay耍e[的]人恐驚仔無規e[的]人會當活命，因為遮e[的]海岸線離hotel、店頭，根本無100公尺，完全攏是沿著海岸線來起e[的]，若真正發生事志[代誌]，根本無塊[地]走。
阮咧講遮e事志[這个代誌]e[的]時，因為我袂曉泅水，所以干若[焦]耍水，雄雄有一陣囡仔走來水裡耍，in[
遮著[這就]予我想著台灣e[的]語言政策，台灣即呢[遮爾]濟族群，照理講語言e[的]發展應該會參菲律賓差不多，每一e[个]人上無會曉講三四種語言，但是即嘛[這馬]e[的]台灣，除了華語，台語、客話、原住民語，甚至是國際語言英語、日語等等，是有規e[幾个]人e[的]身軀頂會當有超過三種語言e[的]？但是佇菲律賓，會曉超過三種語言e[的]，踢倒街。一的[个]十一歲的查某囝[囡]仔就會曉講三種語言，遮[這]就是語言環境所造成的，若是有環境、有需要，囝[囡]仔咧學語言攏足緊咧[的]！就親像是食飯啉水赫[遐]自然。
佇海邊仔若[那]耍水若[那]用英語佮Jececca講話，伊開始先用簡單的話來開講，比論講伊問阮叫啥物名？阮問伊幾歲？伊擱[閣]問阮是ui[對]陀[佗]位來？等等，佮囡仔若[那]耍若[那]講話，講英語的壓力敢若無赫[遐]大，誠好的經驗。看Jececca佇大海lin[裡]自由自在泅來求[泅]去，一點仔攏袂驚海湧的款，袂輸伊就是大海的查某囝，海對伊來講是熟識擱[閣]安全的環境，遮就是in[
耍水耍ka[甲]日頭落山矣，天色變暗矣著[就]緊咧轉去房間洗身軀，拄為[對]海裡起來會冷呢，海裡較溫暖，海平面著[就]有一點仔冷，起來了後無圍巾仔可能著[的]會感冒e[的]冷喔。洗燒水了後，腹肚嘛飫[枵]矣，阮著[就]出去看覓欲食啥？一開始看著BBQ「串燒」真芳，著[就]點雞肉、雞腱、大腸來食，食起來e[的]口味是甜e[的]，但是足Q[
後來入去D-MALL有看著真濟食物，但是攏是酒吧、餐廳、若無著[就]是連鎖店e[的] BBQ店，毋是食袂起若無著[就]是食真濟遍矣，後來決定去食「港式餐廳」，揀俗e[的]物件來食，阮點「海鮮炒粉」kap[佮] 一粒椰子，伊e[的]「海鮮炒粉」簡單來講著[就]是南瓜米粉頂懸擱[閣]參海產，但是伊e[的]米粉毋是台灣即[這]種細細幼幼e[的]，是一種真Q[
轉去到房間e[的]時，阿桂雄雄唉[哀]一聲足大聲e[的]，伊喝講：「我e[的]跤變兩色矣！我果然是『三秒黑』！即[這]聲毋知擱[閣]愛若[偌]久才會白轉來…」因為出門行佇沙灘穿長褲穿鞋是一件真奇怪e[的]事志[代誌]，所以出門e[的]時阮是穿短褲、牽拖。阿桂一講我嘛僅咧看我e[的]跤，但是我e[的]跤著[就]無按怎變色矣，敢講無變色是因為我e[的]跤本身著[就]較烏矣，所以無啥變 = =# 橫直，阿桂e[的]跤變一[兩]色了後，著決定明仔載出去e[的]時，除非欲耍海水，若無就是穿長褲穿布鞋，按呢較妥當。
20100909
明仔載就欲轉去馬尼拉，今仔日是最後一個[个]會使規工佇Boracay的日子，一透早阮就行為[對]station1，因為近[進]前行過但是無透尾，所以即[這]遍著[這]行倒[到]底了後才擱[閣]沓沓仔行轉來，今仔日e[的]日頭真大，海景足嫷[媠]e[的]，所以佇咧行路e[的]過程中，阮一直咧翕相，即咧[這仲]時陣e[的]風景嫷kap[媠甲]無任何e[的]攝影技術e[的]人烏白翕嘛足嫷e[媠的]。另外有一e[个]特色，佇咧沙灘所賣e[的]物件，通常一項著[就]攏真大遍，會當予你烏白揀。
到中晝的時，日頭實在傷大，阮就行入去STARBUCKS COFFEE(星巴克)歇睏，點一杯百一的茶來啉，遮是觀光區，毋管是點當地的Mango Shake抑是外來的STARBUCKS COFFEE攏誠貴，但是我無想欲啉咖啡，Mango Shake擱[閣]一直啉嘛會想欲換口味，所以後來決定點ICE TEA來啉，結果我差一點矣[仔]無予阿桂唸kah[甲]臭頭，若[那]有人來STARBUCKS是來啉茶e[的]？上無嘛啉咖啡，啉啥物茶矣[啊]！哀[唉]…
二樓的外圍有一的[个]陽台，會使予人坐咧遐若[那]lim[啉]咖啡若[那]看海景，對遐看出去的風景擱[閣]袂bai[䆀]，不時攏有看著帆船駛過，佇遐阮嘛歇睏一咧[下]仔，若無真正會中痧喔。
下晡去D’mall遐踅踅咧，看著一間手工做的淺拖仔店，有誠濟卡通的型，親像海綿寶寶、派大星；擱[閣]有魚仔、鯊魚、海馬、龜、樹等等，若是攏無佮意，嘛會當訂做，只是另外訂做的就會擱[閣]較貴囉！基本e[的]設計費著愛600 piso，若是較困難e[的]圖，著擱[閣]較貴。看看咧，阮買兩雙淺拖仔，遮[這]是in[
離開D’mall以後，阮行去較外口的大條路，準備欲去頭前e[的] Lack town，但是即咧[這个]時陣阮拄好鼻著真芳e[的] BBQ e[的]味，原來著[就]是進前有講過10 piso一串[攕]e[的]串燒啦，所以阮著[就]去買來食。但是即咧[這个]Lack town欲為[對]陀[佗]一條細條巷仔入去？阮毋知，所以嘛有問頭家，結果我熊熊[雄雄]發現擱[閣]有一咧[个]E’mall！看著廣告單仔頂頭寫講欲賣的厝是倚佇咧E’mall遐，問當地的人E’mall毋知敢會足遠的？in[
過車路了後斡入去巷仔內，毋擱[閣]攏無看著Lack town的店，直直行直直行，攏是看著一般人咧住[蹛]的「干欄式」建築，有人咧煮飯、有人咧披衫、嘛有人咧騙囡仔，行到上尾是一的[个]海邊仔，有真濟蟳仔船，毋擱[閣]攏無啥人客，五分鐘後終於[總算]有兩的[个]外國人來坐船，遮[這]是一的[个]較偏僻的所在，當地人比外口的人擱[閣]較濟。Main Road著[就]干[敢]若是將[共]Borakay切對半e[的]款，一爿是高級e[的]世界性e[的]觀光地區，另外一爿煞是真正佇Borakay生活e[的]人，Borakay e[的]繁榮，對in[
翻頭行出去以後，阮共人問講Lack town欲按怎行，伊講是路頭彼間，暗時才有開，原來因為伊是一間Bar，莫怪阮通[從]拄仔行過的時攏無看著人咧做生意[理]。
出來即[這]條巷仔了後，著[就]準備欲坐side car去E’mall，心內按算今仔日可能無法度去泅水--矣，因為愛坐side car才會到的話，按呢來回嘛是一段時間，但因為毋捌去過擱[閣]無確定E’mall到底是佇陀[佗]位，所以就決定坐side car，到遐了後強欲昏去！原來遮就是阮昨昏行kah[甲]跤變兩色的所在，阮昨昏就已經行來到遮矣！只是無[毋]知影遮就是E’mall，好佳哉車頭是共阮收20 piso，若毋[無]就冤枉囉！
今仔日阮揀較細條的巷仔踅，內底的物件較俗，但是品質嘛是袂bai[䆀]，阮買浴巾準備去海邊仔遐用，擱[閣]去剪頭毛，一改50 piso，第一擺佇咧外國剪頭毛，英語擱[閣]毋是真輪[輾]轉，足驚目珠[睭]展開，目鏡掛起去了後，看著鏡甘[敢]會驚著！完全變一的[个]人！就佇按呢的心情下，頭毛剪好矣！型無改變真濟，毋擱[閣]頭毛變足短--矣！好佳哉，無變傷奇怪！
差不多五點的時陣，阮換短褲去海邊仔泅水，學游泳。惠名咧學真快[緊]，基本的動作攏會，擱[閣]會曉死囝[囡]仔the[䖙]，只差四跤仔泅袂曉換氣。正當專心咧教惠名的時，有一的[的]烏影接近，原來是Jececca！害我驚一下！欲暗仔的海邊仔，熊熊[雄雄]有人叫你的名，有影是人驚人會驚死人！Jececca手提一的[个]塑膠杯，內底貯貝殼佮一隻細隻白色的蟳仔，講欲予阮，阮誠感動嘛感覺伊足厲害，佇赫[遐]濟人的海邊仔，天色無講概[蓋]明的欲暗仔，伊擱[閣]有法度tshue[揣]著阮，實在厲害！阮嘛共伊講明仔載就欲離開Boracay囉！開講到尾仔，伊熊熊[雄雄]講：「Give me money！」阮攏掣一下……因為，咱若來想，佇台灣e[的]囡仔敢會對青[生]份人開喙著[就]講：「給[予]我錢！」但是遮e[的]囝[囡]仔煞按呢對阮講，對伊e[的]了解只是兩遍佇大海開講無規[幾]分鐘e[的]認捌，但是我會當確定e[的]是，按呢e[的]情形一定毋若[但]發生佇Jececca對阮e[的]身上，一定有其他e[的]囡仔嘛會像其他e[的]人講：「Give me money！」可見，就算講Borakay已經是菲律賓物價上懸，觀光遊客上愛來e[的]所在，消費能力一定比其他e[的]所在擱[閣]較好矣，但是佇遮e[的]生活仝款真無好，需要囡仔出來討錢。即種[這款]e[的]情形，攏予阮感覺驚著但是嘛予阮想擱[閣]較濟e[的]事志[代誌]：人愛知足！佇台灣，即[這]規[幾]年可能生活是較無好e[的]，但是大部分e[的]人一切攏算是擱[閣]會使度過，只是一寡仔娛樂必須放棄。但是遮e[的]人毋是，是一大部分e[的]人攏強欲無法度生活，草仔厝搭搭e[咧]著[就]會使住[蹛]仔[矣]。台灣，算是非常幸福e[的]所在矣。
暗頓時[食]完，阮行對station3的方向，看著有人咧辦暗會，有真濟人咧跳舞，阮倚過看一下了後，擱[閣]直直行，有看著沙雕。有人佇遐翕相，佇沙雕頂懸有點蠟燭火，暗時看起來足嫷[媠]矣[的]，毋擱[閣]阮的相機翕袂--起來，因為伊無法度對焦佇規的[个]沙雕，會聚集佇咧蠟燭火頂懸，阮只好放棄，繼續向前行。差不多五分鐘後，擱[閣]看著另外一的[个]沙雕，有人徛咧邊仔翕相，頭家講若是敢若[干焦]翕相就20 piso，若欲寫名明[字]佇頂頭愛50 piso，伊賣的是技術佮創意。尾仔，阮就佇頂懸寫漢字的名，頭家擱[閣]替阮翕相。欲離開的時，有五的[个]仝款是台灣來的人，in[
20100910
昨昏學泅水，手、跤跟[閣]有腰攏足痠e[的]，但是今仔日是最後一工矣，擱[閣]較thiam[忝]嘛tshun[賰]無若[偌]濟時間佇Borakay矣，所以阮原本決定6點起床去泅水，8點半去食加75 piso e[的] buffet，但是遮[這]一切攏只是「理想」。但是「實際」上阮八點半才起床，起來了後走若飛e[咧]連鞭走去海裡泅水，因為11點著愛check out，一定愛佇即咧[這个]時陣進前泅水，擱[閣]轉去洗身軀、款行李，所以真趕。
因為拄睏起來，人e[的]身體[軀]擱[閣]無法度馬上適應海水e[的]溫度，加上我是頭一改早起e[的]第一件事志[代誌]著[就]是泅水，所以一開始入去海水裡干若[焦]是適應海水e[的]溫度著開真濟時間，所以佇海裡行路，會當適應溫度嘛會使予身體杳杳[沓沓]仔震[振]動起來。一開始落去海裡e[的]時，感覺咧落雨，有淡薄仔烏雲。雨水一滴一滴滴佇海水e[的]頂面，連起來是一幅足嫷[媠]e[的]圖，因為看過去e[的]規e[个]海水，特別闊特別好看，所以一開始專心佇海水裡行路嘛順紲欣賞海水e[的]情境，因為下晡阮著欲離開矣，按怎想攏是毋甘。差不多佇海裡行有一段路e[的]時，身體嘛變溫暖矣，對海水e[的]適應嘛會使予身體攏浸佇內底矣，所以擱[閣]開始練泅水，昨昏練e[的]手kap[佮]跤個人所分配e[的]動作，今仔日煉e[練的]就是欲按怎將手、跤e[的]動作連起來會當泅到頭前去，阿桂講：「咱著杳杳[沓沓]仔泅轉去咱頭拄仔e[的]所在。」熊熊[雄雄]予我感覺，我無事[代]無志[誌]行即[遮]久欲創啥，若[那]即[遮]遠啦！
阿桂佇邊仔看我跤手e[的]動作是毋是有正確，結果練了傷認真，有一遍我擱[閣]踢著伊 = = #，嘛害我差一點仔食水。今仔日e[的]海水是漲起來e[的]，原本e[的]「小沙灘」攏無去矣，嘛毋知是毋是因為海水較濟，所以我感覺今仔日食著水e[的]時無即呢[遮爾]鹹？亦[抑]是我已經啉慣習矣，會當接受海水e[的]鹹矣？我著[就]一遍一遍e[的]練，我會使[曉]泅水矣，但是擱[閣]袂曉換氣，換氣是一件真麻煩e事志[的代誌]，而且擱[閣]袂使用鼻仔，愛用喙，遮kap[這佮]平常生活e[的]完全無仝，所以佇即咧[這个]部分我嘛一直無法度學了真好，但是換氣擱[閣]是會曉泅水e[的]代表，若[那]有可能講會曉泅水但是袂曉換氣，所以我仝款需要愛繼續學，學啥物物件攏仝款：需要經驗。泅水嘛是，了後若是有時間會當佇水裡較久e[咧]，kap[佮]水和平相處，覓[莫]予我感覺我會食水，泅袂起來，我想我應該著會換氣矣。
後來我先學會曉一項：「死囝[囡]仔the[䖙]。」著[就]是規e[个]身軀放輕鬆躺[䖙]佇海e[的]頂面，一開始耳仔會入水，但是阿桂講：「你若無想欲耳仔入水，耳仔著[就]袂入水。」結果我真正無若[偌]久e[的]時間，我e[的]死囝[囡]仔the[䖙]著[就]the[䖙]了則[足]好啊[矣]呢！死囝[囡]仔the[䖙]是一項若[偌]好e[的]項目啊，無[毋]免換氣擱[閣]毋免出力，著[就]會當躺[䖙]佇涼涼e[的]海水是一件若[偌]好e[的]事志[代誌]啊！但是，遮[這]無法度幫助我學會曉換氣，所以對泅水是完全無幫助，哀[唉]。
時間過了真緊，無落雨矣日頭嘛出來矣，也是阮需要離開海水，轉去房間洗洗e[咧]趕緊去check out矣。Borakay e[的]海實在真特別，伊干[敢]若著[就]親像是一e[个]大規啦[幾若]倍e[的]「游泳池」，海水仝款有淡薄仔波浪，但是真平穩；海底擱[閣]是仝款即呢幼[遮爾幼的]沙仔，行路起來袂感覺疼擱[閣]有一種清涼e[的]感覺，佇遮e[ ]泅水是即呢[遮爾]歡喜e事志[的代誌]。只是，所有e事志[的代誌]攏有開始嘛攏有結束，歡喜e[的]來；毋甘e[的]離開，時間到矣，阮著需要離開。
Check out了後離下晡兩點半集合e[的]時間tshun[賰]最後三點鐘左右矣，所以阮決定去食中晝了後擱[閣]去E-mall一改，因為E-mall離White beach e[的]中心較遠較無人去，所以所賣e[的]物件著會較俗，昨昏我買一條「浴巾」佇中心遮問愛350 piso割[括]無法度刣價，但是佇E-mall一條最後是230 piso成交，而且擱[閣]是美國作e[做的]，所以今仔日決定擱[閣]去買。頭拄仔佇海裡泅水e[的]時有淡薄仔落雨但是後來著[就]無矣，後來入去房間洗身驅準備欲Check out e[的]時煞落大雨，遮[這]是阮來Borakay四工內底唯一有落雨e[的]日子，但是遮是屬於熱帶e[的]天氣，所以落大雨了後會特別熱，比無落雨e[的]時陣擱[閣]較炎，所以佇咧行去E-mall e[的]時，土[塗]跤攏有積水但是頭殼頂煞是大炎天，真使人擋袂牢e[的]天氣。
左上：傳統用頭頂籃子的工夫。其餘三圖皆是雕塑沙雕的過程。
後來買好「浴巾」阮著[就]已經流汗流規身軀矣，阿桂講昨昏行佇Main road有看著一間咧賣椰子一粒才30 piso，所以阮著[就]去買椰子來食。頭家講今仔日e[的]是一粒50 piso，因為遮[這]是頭拄仔現挽e[的]。阮著[就]買一粒來啉擱[閣]請頭家將內底e[的]「瓤」 (nng5)挖挖e[咧]，買好無兩分鐘即[這]粒椰子已經啉完嘛食完矣，實在是真甜而且阮擱[閣]足喙焦e[的]，所以阮擱[閣]決定轉去買第二粒。
買第二粒e[的]時，內底 e[的]「瓤」足 ting[
時間過了真緊，已經欲離開矣，坐佇欲去碼頭坐船e[的]車頂，看著即規工[這幾工]阮行過e[的]每一條路，攏真毋甘，啥物時陣才會擱[閣]有機會擱[閣]來遮？亦[抑]是一世人著[就]甘若[干焦]來即[這]遍？甘若[干焦]四工100點鐘佇Borakay e[的]時間，但是即[這]世人攏會記哩[得]遮e[的]海，遮e[的]嫷[媠]擱[閣]有住[蹛]佇「干欄式建築」e[的]人民。坐船e[的]時陣，無[不]時斡[越]轉去看Borakay，嘛看即遍[這片]海，希望我會當擱[閣]有機會來遮。
坐點半鐘e[的]巴士歌[閣]轉來到Kalibo機場，時間差不多是五點通[捅]仔，離登機e[的]時間擱[閣]真遠[長]咧，所以阮先將[共]行李check in了後，阮著[就]先出去外口買涼e[的]，嘛行行看看e[咧]。一開始看著真濟攤[擔]攏咧賣Borakay e[的]一寡仔名產，所以阮嘛買一點仔轉來，遠遠看著邊仔有一攤賣e[的]物件為啥物是用竹仔做e[的]袋仔包起來 e[的]？阮著[就]走去看覓，結果是蟳仔，阮佇Borakay看蟳仔一公斤愛1000 piso，阮若[那]有可能食會起？頭家一看著阮行過去了後，著[就]開始介紹[紹介]，我一開始看著e[的]蟳仔伊e[的]身體差不多有手捗 (po5) e[的]大，頭家講kah[甲]喙角全泡(pho1)，我e[的]心已經予遮e[的]蟳仔夾去矣。但是雄雄想著阮e[的]行李已經check in矣，而且遮[這]是活e[的]物件，感[敢]會使提起立[去]飛機頂？所以後來阮拍算欲放棄e[的]時，頭家著[就]講伊陪阮入去問看覓，看會當擱[閣]check in無？若是會使伊才賣我。後來機場check in e[的]人講：會使。遮[這]真正是予我剉[掣]一e[下]，因為照理講活e[的]物件感[敢]毋是袂使紮？亦[抑]是因為阮是欲飛轉去馬尼拉，算是國內e[的]航線所以無即呢[遮爾]嚴格，結果差不多2.1公斤e[的]蟳仔600 piso成交。但是因為頭拄仔干若[焦]顧欲問講是毋是會使紮起立[去]飛龍[行]機頂，阮根本著[就]無看著內底到底有規[幾]隻？到底是大隻亦[抑]是細隻？頭家感[敢]會騙我？亦[抑]是是純樸e[的]在地人是提真材實料賣我？
等待e[的]時間總是過了足慢e[的]，我kap[佮]阿桂一路上攏咧想600piso e[的]「蟳仔」到底是生作[做]按怎？阮落機場、坐著校車、轉來到房間頭一項事志[代誌]毋是其他e[的]，著[就]是緊咧將[共]袋仔拍開，到底內底e[的]蟳仔是生作[做]按怎？結果…答案予阮歡喜kah[甲]半眠佇房間內底烏白叫，因為總共有15隻，大概有7隻是手捗e[的]大隻，其他e[的]較細隻，但是重點是每一隻攏活跳跳，按呢才600 piso，對愛食蟳仔e[的]我，包包衫仔褲攏比袂過遮e[的]蟳仔，實在太俗仔[矣]！
阮囥佇灶台仔內底，每一隻攏活跳跳跳跳活！！實在太恐佈[怖]矣，頭家無騙我，伊真正是真材實料。遮[這]嘛是阮去Borakay上特別意外e[的]禮物。但是因為遮[遮的]攏是活跳跳e[的]，所以咧處理e[的]時陣實在真恐怖，遮[這]嘛是真矛盾e[的]所在，逐家攏知影食海產著[就]是愛食「鮮(tshinn)」，但是真正活跳跳佇面頭前e[的]時總是會不忍心將伊囥入去煮。最後，阮心甘[肝]掠坦橫，頂蓋仝款將[共]伊崁(kham3)落，變做「鮮料理」。
(轉去記遊轉載目錄)(轉去主目錄)
2010-10-12 00:40:31劉志祥老師 email給劉志祥老師 前往劉志祥老師的日誌
